Іріктеу критерийлері

Конкурстық іріктеуге Қазақстан Республикасының азаматтары, сондай-ақ Қазақстан Республикасының заңнамасына сәйкес оның аумағында тұратын шетел азаматтары қатыса алады.
Конкурстық іріктеуге қатысуға ниет білдірген тұлғалар «Білім беру бағдарламалары орталығы» филиалының кеңсесіне хабарландыруда көрсетілген мерзімде және көлемде электронды форматта құжаттарды тапсырады.
Хабарландыруда көрсетілген құжаттардың бірінің болмауы үміткерді Комиссия отырысында қараудан бас тартуға негіз болады.
Кандидаттар біліміне, жұмыс тәжірибесіне, кәсіби деңгейі мен беделіне қатысты қосымша ақпаратты ұсынуға құқылы (біліктілігін арттыру туралы куәліктердің көшірмелері, жаттықтырушы сертификаттары, портфолио, ғылыми дәрежелер мен атақтар, мінездемелер, ұсынымдар, ғылыми жарияланымдар және т.б.).